Libros infantiles de 6 a 8 años

Luka dut izena eta nire laguna Utx da. Asko gustatzen zait aitona-amonekin egun batzuk pasatzera joatea, etxean debekatuta ditudan gauza guztiak egiten uzten didatelako. Eta zerrenda oooooso luzea da. Horretarako dira aitona-amonak, munduko tontokeria guztiak egiten uzteko!

Gaur Bruno ez doa pozik eskolara. Lagun mina gaixo dago eta ez daki norekin jolastuko den atsedenaldian. Kostatu egiten zaio lagunak egitea. Ez da ondo moldatzen futbolean edo kartetan. Ezta abesten ere. Hala ere, irakasleak irtenbidea eman dio: Zer daki egiten Brunok inork baino hobeto?

Pott familiak lasterketetarako auto zahar herdoildu bat erosi du. Benetako erakarpena du auto horrekiko. Tailerrean asteak buru-belarri lanean eman ostean, Pott familiako aitak lortuko du Chitty Chitty Bang Bang funtzionamenduan jartzea.

Urtebeteko epean, Lurrean inoiz bizi izandako izakirik txundigarrienak ezagutuko dituzu: Tiranosauro beldurgarria, Titanosauro jator-jatorra eta beste mordo bat.

Doroteo eta Eliseo esploratzaileak dira eta edozertarako prest daude, tximeleta espezie berria ezagutzeko. Jantzi botak eta batu beren bidaia basati eta zorora, koralezko arrezife, desertu edo oihan tropikaletatik!

DOROTEO ETA ELISEO urrun-urruneko iraganera joan dira denboraren makinari esker. Izarren jaiotza ikusiko dute eta dinosauroak, mamutak, sable horzdun tigreak eta gisa guztietako historiaurreko izakiak ezagutuko dituzte.

Mozar jauna musikaria da, etxekogizona, sagitarioa eta ehun kilo pisatzen du. Goiz batean, kanta berri batean lan egin eta haur txikia zaintzen duen bitartean, semea ez dela eskolara joan konturatzen da. Indiar tribu batek bahitu nahi duela dio Wolfranek. Bat-batean, txirrinak jo du…!

Usaimen eta entzumen oso finak ditu Gixelak. Gauzak ukitzea asko gustatzen zaio. Haren liburuak puntutxoz beterik daude. Batzuetan triste egoten da. Ba al dakizu zergatik?

Aurtengo udan dena lehor dago: zerua beti urdin ageri da, belardiak hori daude, eta igerilekuak hutsik!
Alarma giroan, Junek euria egiteko teknika guztiak probatu ditu: gaizki kantatu du, marigorringoak eta tximeletak bilatu ditu, euritako bat ere margotu du…

Aixa lehen aldiz doa lagun baten etxera lo egitera.

Ama kezkatuta geratu da. Sentituko ote du Aixak bere falta? Bainatuko ote da? Ez zaio batere gustatzen eta!

Ondo afalduko ote du? Izango ote du lotarako bere pelutxe kutunena? Eta bitartean, Aixa…

Krokodilo jatun bat bizi da Amalurreko ibaian, turistak jaten ditu guztiz oharkabean. Dentistari dio galdetu eta mesedez eskatu hortz-haginak ongi garbitzeko sekulako mina baitu! Eta a zer-nolako buila eta algara bere aho beldurgarria ikustean bertatik bertara!

Basajaunek ongi daki nola zaindu basoak eta mendiak, nola sendatu natura gaixorik dagoenean. Oraingoan Hur txikiak lagunduko dio Lur lehorrean Ur aurkitzen, mendi lehortua berriro landarez janzteko. Lortuko ote dute? Mitologiak eta naturaren botereak bat egiten dute kontakizun honetan.