Libros y álbumes ilustrados

Schönbrunn jauregia, Austria, 1763.
Lisabete Antonieta erreginaren lepokoa desagertu egin da. Xeherlock eta lagunak berehalakoan hasi dira bilaketan; izan ere, erreginak gauean bertan izango den jairako behar du lepokoa. Susmoa dute miken ardura ote den desagerpena, lapur ospea baitute.

Hau abentura!

Bioletak, errekan behera doala, ezkutuan dabilen ehiztari bat ikusi du: eskopetarekin… Ai ene! Zer egin? Amonak esan bezala, alde egin? Beharbada animaliak jaknaren gainean jarri behar ditu… Eskerrak Barrabas txakurra aldamenean daukan!

Eguna joan eta eguna etorri, Basilik ikaskideren bati eraso egiten dio jolastokian. Inor ez da ausartzen aurre egiten. Halako batean, ordea, ikasle berri bat iritsi da, eta Basilik burla egin dionean, begietara zuzen-zuzen begira, erantzun egin dio: ETA ZER?

Etxe handi batean, hartz handia bizi da, bakarrik. Etxe txiki batean, arratoitxo txikia bizi da, bakarrik. Oso gertu bizi diren arren, inoiz ez dute topo egin. «A zer bakardadea», kexatzen dira biak. Egun batean bizitzan aldaketa txiki bat egitea erabaki arte. 

Joateko ordua da, baina inork ez du Hannah topatzen. Benetan entretenituta dabil parkean, makila eta beldar bila… Hostotzaren artean, babesleku sekretua eraiki du Izaki Iletsu Bitxiarentzat eta beretzat

Burgik apaintzeko zuhaitz perfektua bilatu nahi du. Besarkadak eta gabonetako magia lortzen lagunduko diozu?

Ordu txikitan idazten ari zela, lo seko gelditu zen Xabier. Ahots batzuek esnatu zuten bat-batean. Begiak ireki, eta galtzagorri batzuk ikusi zituen ingurumarian. Lau ziren guztira, bihurriak eta jostariak. Langile prestuak ere baziren, eta buru-belarri lagundu zioten Xabierri.

Albi balea ozeanoan barrena dabil hara eta hona, ur azpiko altxorrak bildu eta bildu. Baina nahiz eta gauza eder asko bildu, Albi ez da inoiz sentitzen guztiz ase.
Ba al liteke adiskidetasuna izatea, eta ez ondasunak, haren bihotza benetan kantuan jarriko duena?

Paradisua dirudien uharte batean, geko txiki batek izar bihurtu nahi du. Goldyk eguna antzezten ematen du, egunsentitik gauerdira arte. Baina osperako bidea bakartia eta bihurgunetsua izan daiteke... 

Usaimen eta entzumen oso finak ditu Gixelak. Gauzak ukitzea asko gustatzen zaio. Haren liburuak puntutxoz beterik daude. Batzuetan triste egoten da. Ba al dakizu zergatik?

Maren eta Aiert Txindokira joan dira Joanes artzainarekin.
Kasik igerian sentituko dira han.
Kasik hegan.
Elur jausi beldurgarri baten berri izango dute bertan.
Eta pintore itsuarena.
Eta izarrak edaten dituen Goliat txakurrarena…

A… AAA… Atxis!

Lore Musutxok doministiku egiten duenean, denak ateratzen dira ihesean.

Zergatik?, jakin nahiko duzue ziurrenik.

Bada, doministiku egiten duen bakoitzean, Loreri GRIZZLY bat ateratzen zaiolako sudurretik.