Configurador de lecturas

Kira eta Argi bi adarbakar gazte dira. Adarbakarren Urteko Topaketatik bueltan, hango pozak instantean desagertu zaizkie, ondorengo uholde handian hiltzeko zorian daudenean.

Nautilus taldeko neska-mutilak beren bigarren abentura bizi dute. Nolan uhartea ez da batere erraza iristeko eta, bertan, lurpeko museo paregabea dago.

Tximeletek Marianoren koadernoa bete dute, astronauta, futbolaria eta detektibea izan nahi duen mutikoaren koadernoa. Neurri, era eta kolore guztietakoak dira. Baina batek ere ez du hegan egiten, marraztuta daudenez. Mutikoak tximeleten sortzaile misteriotsua nor den jakitea erabaki du.

Aberegaingora arrastoa uzten duen erakusketa horietako bat iritsi da. Museo Handiak sekula topatutako T. Rex eskeleto handiena jarriko du erakusgai. Baina norbaitek hezurrak lapurtu ditu! Has dadila dardarka lapurra. Adi Miaukak eta Susmo Zaunkak arrastoari jarraituko diote.

Nor da tximino indartsuena? Nor da ipurtargi lotiena? Eta olagarro musukatzaileena? Zabaldu ondo begiak, topatu liburuko ilustrazioen artean eta txundi zaitez amaierako ezusteko atseginarekin.

Hortxe dago ogroa, beldurra eragiten duen mendi indartsu baten pare. Maitagarriek babestu egiten gaituzte, baina ogroek beldurra sortu eta zur eta lur uzten gaituzte. Munstro horiek giza forma dute, baina hala ere ikaragarriak dira. Zorionez, ogroa ergela bezain aseezina da.

Horra, horra, gure Olentzero!
Eta horra, Napo, bere asto kutuna. Gabon gau magikoa iritsita, hainbat gertakari biziko dituzte biek. Ipuinen herrialdean hasiko dira, eta Euskal Herrian amaitu.
Bidaia horretan, ipuinetako pertsonaia ezagunak izango dituzte lagun.

Maindi Maitagarrik probak gainditzen jarraitu behar du benetako maitagarri bihurtu nahi badu, baina gauzak zaildu egingo zaizkio ohartzen
denean eskola inguruan dabiltzan izaki magiko bakarrak ez direla eurak. Eta arriskua uste baino gertuago dute...

Albiste bat heldu da Creyren belarrietara. Azkenean, etxera itzuli ahal izango da. Baina azpikeria baten erronkak zerumuga ilunduko du. Arriskuaren erdian, Euri-Egilearen esaldi misteriotsua entzuten da: «Gauza batzuk birritan egin daitezke, beste batzuk ez».

Orion haurrari beldurra ematen diote liztorrek, munstroek, txabolek, ekaitzek, txakurrek, armiarmek, eta altuerak, baina beldur handiena ematen diona zerta da... ILUNTASUNA!

Kalil Mtube hamaika urteko mutiko afrikarra da. Bere bizitza errotik aldatuko da bere aitak saldu, eta kakao plantazio batean esklabo moduan lan egitera behartzen dutenean. Adiskidetasuna eta maitasuna ezagutuko ditu han, baina baita gizakien bihozgabekeria ere.

Bainua erritual gogokoa da haurtxoarentzat eta zain-zain egon ohi da une horretarako. Erlaxatzeko eta jolasteko une berezia da, partekatzeko. Sorta honetan bi liburu ilustratu txiki daude, haurtxoak animalia batzuk eta jolas objektu batzuk ezagutzen eta haiei izena ematen ikas dezan.