Oilategitik arrautzak erruteko tokiraino doa korrika alanbreak diruditen hanken gainean. Lumazko soinekoa darama soinean eta arrautzak jartzen ditu. Asmatu zein den etxaldeko animalia hau!

Bost azeritxo muturgorri, elurretan, zer berri?
Elurretan itzulipurdi, irrigarri eta bihurri.

Krokodilo jatun bat bizi da Amalurreko ibaian, turistak jaten ditu guztiz oharkabean. Dentistari dio galdetu eta mesedez eskatu hortz-haginak ongi garbitzeko sekulako mina baitu! Eta a zer-nolako buila eta algara bere aho beldurgarria ikustean bertatik bertara!

Mozar jauna musikaria da, etxekogizona, sagitarioa eta ehun kilo pisatzen du. Goiz batean, kanta berri batean lan egin eta haur txikia zaintzen duen bitartean, semea ez dela eskolara joan konturatzen da. Indiar tribu batek bahitu nahi duela dio Wolfranek. Bat-batean, txirrinak jo du…!

Iruzurbeitia ez da, ez, besteak bezalako zizarea: arrosa kolorekoa da eta eguzkia hartzea asko gustatzen zaio. Hori guztiori oso arraroa da, bere familiakoentzat, batez ere. Alabaina, Jango ezagutuko du basoan, armiarma barazkijalea, eta berarekin ikasiko du ezberdina izateaz gozatzen.

Gurasoentzat seme eredugarria zen Julian: garbia eta txukuna, ez zen inoiz haserretzen, eta txintik atera gabe egiten zuen esandako guztia.

XXI. mendeko lehen urteak latzak izan ziren Iraken. Bagdad hiriburua, Mila gau eta bat gehiago liburuko ipuinen kokalekua, inbaditua izan zen eta leherketa eta tiro hotsak nagusitu ziren. Akabo Bakearen Hiria edo Hiri esmeralda.