Libros infantiles en euskera

Bidaiariak, trenera! Igo zaitez trenera, eta gidatu maldan behera, tunelean zehar eta trenbidean aurrera. TRIKI-TRAKA, TRIKI-TRAKA! FIII

Aitona-amonekin pasatzen ditut uda guztiak. Haiekin, gero eta abentura apartagoak gertatzen zaizkit. Eta karramarro bila joaten garenean, beti izaten dugu ezustekoren bat. Ikaragarri gustatzen zaizkit oporrak, baina gauza bat gorroto dut: azkarregi igarotzen dira!

Honezkero badakizu zenbatzen, ezta?
BEJONDEIZULA! Liburu honetan, GAUZA asko dituzu zenbatzeko: baleak, ostadarra, euliak, tronpetak…
Baina bada baldintza BAT: ASKO jota BAT arte zenbatu beharko duzu. Ez pentsa gutxi denik! Eta ez baduzu hala uste, begira, begira…

Manor etxaldean matxinada piztear dago.
Gizakiak dira haien etsaiak!
Animalia guztiak berdinak dira!

Adur BETI zegoen kezkatuta. Kezka eragiten zioten lagunik gabeko galtzerdiek, katagorri gaiztoek, askatutako lokarriek… Baina kezkarik handiena HAIZEAK eragiten zion.Adurrek Maia ezagutu zuen, eta lagunak egin ziren. Maiak ez zion beldurra EZERI.

Beste asko bezain aspergarria den egun batean, Aliziak lo hartu du eta Herrialde Miresgarrian sartuko da Untxi Zuriaren eskutik. Han, Sasidortoka, Bihotzetako Erregina, Cheshireko katua, Dukesa, Kapelagilea eta Martxoko Erbia ezagutuko ditu, beste hainbat fantasiazko pertsonaiaren artean.

Uda amaitzeko zorian dago, baina Martinak sorpresa bat dauka Bioletarentzat: altxor ezkutu bat erakutsi nahi dio. Kontua da kostaldetik urruti samar dagoela eta itsasoak marea arriskutsuak dituela, ausardia eta ausarkeria bereizi behar direla…

Inork ez ditu ipuinak altzeak baino hobeto kontatzen. Baina gau batean, bere familiarekin batera suaren epelean eserita, altzeari ez zaio burura etortzen lehendik kontatu ez duen ipuinik. Ipuin-liburu bat behar du. Edo beharbada denek behar dutena liburutegi bat da.

Amatxok alde egin zuenean, guztia betiko aldatu zen. Amaren hutsunea sentitzea etengabe buru gainean hodei beltz bat izatearen edo itsaso erdian igerian aritu eta itsasertzera iristea sekula ez lortzearen parekoa da. Nola jarraitu aurrera?

Arkakuso aspertuta dago txakur zahar baten ile artean bizitzeaz eta etxe deituko liokeen beste zerbaiten bila atera da. Dena den, denetan topatzen ditu gabeziak. Aurkituko al du Arkakusok bere txakur egokia?

Arrain zuri txikiak gauza mordoa daki: koloreak ezagutzen ditu, hamar arte zenbatzen daki, goian eta behean, aurrean eta atzean bereizten daki... Eta, gainera, emozioak ere identifikatzeko gai da.

Bapo Jaunak eta lagunek komunitateko jairako fruituak topatu behar dituzte, baina desagertu egin dira eta, gainera, Bapo Jauna galdu egin da! Denek moldatu beharko dute aurrean dituzten arazoak konpontzeko... Eta basoa zaintzeko!